ALT ET

I 2022 vann oddaforfattaren Leander Djønne Lytternes romanpris i P2 for debutboka si, Oskespiralen. Denne hausten er han endeleg klar med ny bok, Alt et. Tvillingane Våle og Rind er i gravferda til foreldra. Dei skal bu hos besteforeldra, men på garden vert dei skilde frå kvarandre. Besten er grufull, besta er kraftlaus. I ura over garden bur ein svanger jerv. Ho kjenner raseriet vekse. “Eg er. Eg er ikkje. Brunne i ein vedomn. Frigjord som kvervelvindar av oske. Atterfødd som rovdyr full av kraft. Eg er jerv. Eg er alle mødrer. Glir inn i alt.” Alt et er ein roman om avmakt, nedarva raseri, trolldom og hamskifte som følgjer i dei same spora som Oskespiralen. Leander Djønne møter Henning H. Bergsvåg til samtale om den nye romanen sin. 

Arrangementet er ein del av Litteratursymposiet i Odda 2025 med tema EKSPLOSJON.

Heile programmet finn du på littsymp.no.

Det er mykje kjekt som skjer, og du kan òg kjøpe FESTIVALPASS  eller DAGSPASS. 

Foto: Jarle H. Moe